A wid ijebbden leqlam A ceux qui possède la dextérité de l’écrit

A widen ijebbden leqlam
Init-iyi-d ma turam
Γef widen iγur zman
Di lmeḥnat ma tesεeddam
Ad yilli tjerbem ,tecfam
Amek i kun-id-qublen wussan
Ma yella tεacem terwam
Di ddunit tcaxem tezham
Ur yelli d acu i kun-yecqan

i lukan ay atmaten
Ad neseḥsab ad newzen
Weḥdi i rebbaγ lḥif
Kra bi den yettmeyyizen
Ma yella llan d irgazen
Illaq ad ten-yawi nnif
D lluγa-nneγ i yi-γaḍen
Amek alarmi i tt-ḥeqren ?
Tettwaεzel tuγal di rif

Eḥkan-iyi-d fell-asen
Qeṣden-tt-id ad aγ-tt-ekksen
ama s rḍa ama bessif
Daymi i qqareγ i imeẓyanen
S lmeεnat mmelγ-asen
Amek ar’ad zegren asif
Yak leḍyur mmxalafen
ḥesset-asen m’ad ttemsawalen
Yal yiwen akken yettiẓẓif

Teẓram akk a leqbayel
Anw’i d mmi-s n laṣṣel
D win yettḥeziben i nnif-is
Lukun nemǧaza naεdel
Erray-nneγ ad yeddukkel
Yal w’as-d d-iḍehr ummur-is
Ma nettεemmid i lbaṭṭel
Ad nuγal akk am eṭṭbel
Yal w’ad d-iheggi aεrur-is

COLLECTIF NORMAND FILPAC CGT |
Association des Parens d'El... |
Association felis'city - ad... |
Unblog.fr | Créer un blog | Annuaire | Signaler un abus | Association Internationale ...
| ASSOCIATION V.I.V.R.E.S
| Société Timbrophile de Reims